[Eyubo]

Balada Girtîgeha Reading ê

Baş guh bidin van gotinên min

Her kes dikare bikuje hezkiriya xwe

Hinek dikujin bi awirekî

Hinek bi gotinên qeşmerî

Yên tirsonek bi maçekê

Yên leheng dikujin bi derbên şûran.

Hinek dikujin bi ciwanî

Hinek dikujin bi extiyarî

Hinek jî bi destên şehwî

Hinek jî bi destên zêrîn

Yê dilovan bi kêrê dikuje.

Ji ber ku zû sar dibe kuştiyên bi kêrê.

Helbest: Oscar Wilde
Muzîk: Jan Axîn

Gulevîn

Keça çeleng ji rengê kurdî

Min ew hez kir bi hestên fedî

Wek xeyalek bû min têr nedît

Ew ji min dûr ma û xeyal vemirîn

Bi çûyîna te esman xemgîn

Av bê deng ma, dar stûxwar, û tî

Navê te evîn e

Dilê min bi xwîn e

Ez mam perîşan

Gulevînê

Li pey geriyam wext xayîn bû

Ez ne giham bext xayîn bû

Ji xwe demsal jî payîz bû

Baranên dil, reş dibariyan

Bi çûyîna te stran xeyîdîn

Zarok bê lîstik, ar bê tîn ma,sar e

Gotin & Muzîk: Jan Axîn

Wax Wax

Destê te digirim destên sar in

Peyvên lêvên te dijwar in

Ku ev be tahma evîna te

Ez ne bextewar im

Wax wax

Digerim li warê vê jîne

Çima nabînim bextewaran

Ku ev be tahma vê jînê

Ez bê cî û war im

Wax wax

Emir derbas dikin salan

Li nav hişên bê biryarî

(Li nav hişên bê kiryarî)

Ku vegotin qebehet be

Qey ez pir dîn û har im

Gotin & Muzîk: Jan Axîn

Can Were

Tu were, can were

an jî

ez werim.

Çi qas giriy*** çav riziyan

Çi qas êşiy*** dil riziya

Çi qas geriy*** ling riziyan

Li nav dengên sextekarî

Tu were, can were

an jî

ez werim

Ew çavên te yên rengê av in

Ku ne vexwum ez nikarim

Ew kenê te yên ji dil hatî

Ku ne bihîzim ez nikarim

Tu were, can were

an jî

ez werim

Gotin & Muzîk: Jan Axîn

Meşîn

tu aciz bibî ji sî û staran

biterikîne dilînên hejar

biqetîne hêlekanên nava xwe,

negirî

hêsirên xwe bike diyarî

û bikeve riyên bêdawî

li bendî te ne

çîrokên nîvcomayî

li bendî te ne

deşt û çiyayên xalî

tu bixeyîdî ji derewên bê wext

evîna xwe bi baranê bişo

û li ber dilê xwe veşêre,

negirî

xewariya xwe bike diyarî

û bikeve rê bibe azadî

Gotin: Mem Bawer
Muzîk:Jan Axîn

Yara Winda

Şev buhurî şiyar im

Tu mişt li bîra min î

Li ku derê bi kê re bî

Ez jî li wê dera me

Yarê yarê yara wenda

Ez masiyekî serxweş

di zerya te de

Ji reşiya çavên te

Tu rengan ez nabînim

Di şikeftên dil de man

Êşên bê wext û zeman

Gotin & Muzîk: Jan Axîn

Evîndar

Êvaran li kolanan ez te dibînim

Çend dîmenên êşê li ser rûyê te

Di çavên te yên melûl de

Ez xwe dibînim

Evîndar evîndar

Li cem dostan dikene

Di dil de birîndar

Te got; 'ez ê bisebir im

Ka roja min çi tîne

Xem û kulan hilbigirim

Ku yar zanibe ez kî me'

Ew yara ku te bir û çû

Ne bawer be ku bîne

Evindarê dostê şevan, dest bernade ji xeman

Rojên bi mij derbas dikir, ji bo hesreta dila

Hezkirina wî hindik bû jibîrkirin dirêj

Lê belê, her kes tixtorê evîna xwe

Gotin & Muzîk: Jan Axîn

Sebra Azad

Dixwazim ez, ji bo evinê jiyaneke azad

Dixwazim ez, ji bo jiyanê evîneke azad

Dixwazim ez, ji bo jiyanê welatekî azad

De bê sebrê, bê em rûnên

Bêjin derdên xwe

Sebrê tu sebra kê yî hey sebra azad

Gulê tu sebra min î hey sebra azad

Em werin cem hev û em rûnên

Bêjin derdên xwe

Xweş in evîn, ku ava bibin li ser rastiyê

Geş in evîn, ku ava bibin li warên azadiyê

Em tev ji bo hezkirinê li nava jiyanê

De bê sebrê, bê em rûnên

Bêjin derdên xwe

Gotin & Muzîk: Jan Axîn